Fotos da 'Semana do Libro'

Ata aquí chegou a Semana do Libro! Xa publicamos con anterioridade a visita de Claudia Castro ao centro. Aquí temos algunhas imaxes das Lecturas Interactivas:




Descubrimos que non é nada doado chamar a atención dos compañeiros e compañeiras fóra da biblioteca! Tamén celebramos a Feira da espurga, na que todos os nenos e nenas do cole levaron un libro de regalo para as súas casas:





E rematamos a celebración cunha dramatización do conto 'Princesa Kevin', escrito por Michaël Escoffier e ilustrado por Roland Garrigue, coas actuacións dos nosos voluntarios e voluntarias da Biblioteca. Fixérono tan ben, que repetiremos o teatriño para os nenos e nenas de 2º EP! E tras rematar a performance, o público tamén se animou a probar o vestido de Princesa... e o de anxo! 





                  
                                       
               

              

              


                


Moitas grazas pola participación! E mil grazas ás voluntarias e voluntarios de 6º por mostrar tanto entusiasmo e dar exemplo aos máis cativos.














Comentarios

Publicar un comentario

Entradas populares de este blog

Taller de pócemas decorativas e tutorial

Imagen
A semana pasada rematamos os nosos talleres de pócemas decorativas, impartido pola responsable da biblioteca, cos nenos e nenas gañadores do reto dos enigmas do samaín, pero para aqueles e aquelas que tedes ilusión por aprender tamén como fabricar estas pócemas, deixámosvos un sinxelo tutorial do paso a paso. Para os menores de 10 anos ou para aqueles e aquelas que non sabedes manexar unha pistola de silicona quente, podedes utilizar cola blanca para pegar a tapa ou, para que quere mellor, pedirlle axuda a un adulto. Materiais:  -Xel desinfectante, de hidroalcohol - Botes de cristal con tapa de corcho. Quedan mellor os medianos ou pequenos, os grandes requiren moito xel. - purpurina (lembrade que agora xa non se permite a venta de purpurina nas tendas, debemos utilizar os restos que teñamos na casa ou buscar outra alternativa para decorala) - Cordas, colgantes, elementos decorativos, papel ou celo decorativo para poñer o nome da pócema... - Pistola de silicona de manualidades, potencia
Leer más

UN ENTROIDO MOI VIAXEIRO!

Imagen
Para este entroido 2024, o CEIP de Arzúa realizou un pequeno desfile polas rúas de Arzúa amosando os diferentes disfraces que prepararon os nenos e nenas coa temática da ventá aberta ao mundo. Dende diferentes culturas da man dos grupos de EI ate divertidos turistas! Exploradores e exploradoras, amantes da praia, os que prefiren un destino frío e con neve, os peregrinos e peregrinas... E como non! Utilizamos o croma verde da nosa biblioteca para facer unhas montaxes moi divertidas! Poñemos por aquí uns exemplos:
Leer más

Enigmas e fotos horripilantes no Samaín /23

Imagen
Esta semana festexamos Samaín no cole. As aulas decoradas, os pasillos con teas de araña, nenos e nenas....e mestras! con disfraces variados... E tamén aproveitamos para retar aos nosos queridos alumnos e alumnas cun concurso de enigmas na Biblioteca, no que os grupos máis rápidos e certeros gañarían unha entrada a un taller sorpresa que realizaremos en novembro na biblioteca escolar.  Para os máis cativos tiñamos preparado un enigma un pouco máis doado, para logo colorear na ficha a solución da adiviña.             Algúns e algunhas de nós tamén quixemos posar diante da nosa parede "Chroma" para ver que montaxes divertidas saerían de aí, queredes ver o resultado?
Leer más