Onde dormen os contos

  Este ano de novo contamos coa axuda do voluntariado da Biblioteca escolar para realizar un contacontos coa temática do nadal, neste caso para os nenos e nenas de Educación Infantil. O conto escollido foi A familia de Basilia, unha historia na que falamos do que é verdadeiramente importante nestas festas: pasar tempo cos amigos e a familia.                 Moitas grazas polo voso esforzo! Para finais de curso prepararemos outra divertida historia coa axuda dos voluntarios e voluntarias que non puideron participar neste.

  Xa non queda nada para as vacacións e temos preparado este folleto con recomendacións para desfrutar da lectura este Nadal.  Non só temos novos títulos relacionados con esta festividade, temos tamén un apartado especial adicado ao escritor e profesor Miguel Ángel "O Hematocrítico", moi coñecido polas súas obras para o público infantil e xuvenil, e que faleceu a finais de novembro. Para que nunca o esquezamos, dende a biblioteca recomendamos algunhas das súas obras.