Onde dormen os contos

Cunha despedida agridulce despedimos ás nosas voluntarias e voluntarios da biblioteca, alumnas e alumnos de 6º que traballaron con moita ilusión para facer da biblioteca escolar un fogar para os compañeiros e compañeiras do CEIP de Arzúa. Axudando coa organización dos estantes, coas actividades de fomento á lectura, e coa espurga, fixeron posible os grandes avances que presenciou a nosa biblioteca este curso 22/23. Moitísimas grazas polo voso esforzo! E moita sorte na nova etapa da vosa vida.

Para rematar ben o curso e "empaparnos" de información mariñeira, o CEIDA ( Centro de Extensión Universitaria e Divulgación Ambiental de Galicia) enviou ao cole unha maleta mariñeira viaxeira para rotar polas aulas, chea de libros sobre os océanos. Moitas grazas!

Aquí tedes uns folletos con algunhas das lecturas que escollemos para recomendarvos estas vacacións. Desfrutade da literatura na praia, na piscina, no campo... e que teñades un bo verán!

Utilizando os libros que quedaron como remanente da Feira da expurga, os alumnos e alumnas de 4º de EP, coa iniciativa da súa titora Noelia, crearon collages con fotografías de animáis que atoparon nalgúns exemplares de libros informativos, e o resultado é hermoso e moi orixinal... a mellor forma de reciclar! 

Xa temos exposto o mural coas fotografías tan preciosas que entregaron os nenos e nenas que participaron no concurso de fotografía.  A fotografía do gañador queda enmarcada e ao seu lado podemos ver a pintura orixinal na que se inspirou o participante; toda unha paisaxe galega que representa o especial que é o noso fogar. E tamén fixemos a entrega dos premios aos ganadores/as e dos diplomas de recoñecemento a todo o alumnado que participou                           Moitas grazas pola participación, e lembrade que mañá, xoves, no recreo, entregaremos os premios e o detalle a todos os participantes.

 Bo día! Xa temos a resolución do concurso de fotografía da Biblioteca escolar:  "Dentro das paisaxes". A continuación expoñemos os gañadores e gañadoras do primeiro premio e dos segundos premios, que entegaremos na Biblioteca no recreo o Xoves 8 de xuño.  Precisamos que asistan no recreo todos/as participantes do concurso xa que temos un certificado e un detalle para todos e todas os que vos animastes a participar, grazas polo voso esforzo e creatividade! 1º PREMIO:  Raúl García, 2ºA 2ºs PREMIOS: Sara Villar, 1ºB Carme Rendo, 5º Pablo Soutullo, 3ºB A verdade é que foi moi difícil escoller porque quedamos moi sorprendidas coa vosa creatividade! Lembrade, o Xoves 8 tedes que vir TODOS OS PARTICIPANTES na hora do recreo á biblioteca. Ademais, o mércores quedarán expostas todas as vosas fotografías no mural que hai na zona exterior da biblioteca, o recuncho "chill out", para que todo o centro admire o voso traballo tan fermoso. Noraboa!!